Главная » 2012 » Январь » 11 » Кышкы ял
13:16 Кышкы ял | |
   Балаларның кышкы каникул вакытын мавыктыргыч һәм күңелле үткәрү максатында Эзмә, Иштуган, Т.Шытсу, Мичән, Саба гимназиясе, кадет мәктәбе, Сатыш, Тимершык, Шәмәрдән лицее, Шекше, Юлбат, Арташ, Сабабаш, К.Мишә мәктәпләре каршында 4-10 гыйнвар көннәрендә мәктәп яны лагерьлары эшләде. Биредә I-XI сыйныфларда белем алучы, аз тәэмин ителгән һәм авыр тормыш шартларында тәрбияләнүче 369 укучы ял итте.
Лагерьлар үзләренең эшчәнлеген махсус төзелгән программа нигезендә алып бардылар. Укучылар белән иртәнге зарядка, саф һавада һәм спортзалда хәрәкәтле уеннар, төрле бәйгеләр, түгәрәкләр һәм фәннәр буенча шөгыльләр үткәрелде, "Нарат” боз сараена, Урман музеена һәм " Саба” бассейнына экскурсияләр оештырылды.
Һәр лагерь коллективы тәрбия чараларын үткәргәндә үзенчә тырышлык куйды, балаларның ялын файдалы итеп оештырырга тырышты, лагерь эшчәнлеге урыннарга чыгып өйрәнелде. | |
|
| |
| Всего комментариев: 0 | |