22 февраль көнне Юлбат урта мәктәбе базасында мәктәп директорлары һәм аларның укыту эшләре буенча урынбасарларының семинар – киңәшмәсе үтте. Семинарда катнашучылар игътибарына химия, җәмгыять белеме, математика, рус теле фәннәре буенча ачык дәресләр панорамасы тәкъдим ителде. Киңәшмәнең икенче өлешендә Юлбат урта мәктәбенең укыту – тәрбия эшчәнлегенә анализы тыңланды. Мәгариф бүлеге һәм мәгълүмати – методик үзәк белгечләренең агымдагы уку елында узачак бердәм дәүләт имтиханнары һәм яңача формадагы имтиханнарга булган таләпләр, педагогларны аттестацияләү һәм алда торган башка мөһим мәсьләләр буенча чыгышлары тыңланды. Семинар – киңәшмәне район мәгариф бүлеге җитәкчесе И.Ф.Шакиров йомгаклады.