15 нче февраль көнне Байлар Сабасының чаңгы трассасында, мәктәп укучыларының I Спартакиадасы кысаларында, чаңгы ярышының зона этабы булып үтте. Ярышта Саба, Кукмара, Арча, Теләче, Биектау, Питрәч, Әтнә командалары көч сынаштылар. Чараны ачу тантанасында Саба муниципаль районы башкарма комитеты җитәкчесе Котдусов И.И., "Мәктәптән тыш эшләр республика үзәге” директоры Асадуллин М.Х., Саба муниципаль районы башкарма комитетының мәгариф идарәсе җитәкчесе Шакиров И.Ф., яшьләр эшләре һәм спорт бүлеге җитәкчесе Гарипов И.Р. катнаштылар.

            Шәхси беренчелектә  Саба гимназиясендә белем алучы Вахитов Зөлфәт һәм Вахитова Гөлназ беренче урынга лаек булдылар. Чаңгы эстафетасы ярышында Саба гимназиясе командасына тиңнәр табылмады. Гомумкоманда зачетында урыннар түбәндәгечә билгеләнде:

1.   Саба районы

            2.  Кукмара районы

            3. Арча районы

Командаларга Мәгариф һәм фән министырлыгы исеменнән Асадаллин М.Х. грамота, медаль һәм кубоклар тапшырды. Спартакиаданың республика этабында катнашу хокукына Саба һәм Кукмара районы командалары лаек булдылар.