Татар халкының бөек шагыйре Габдулла Тукайның тууына 130 ел тулуга багышланган чаралар дәвам итә. Бу көннәрдә Сәләтле балалар мәктәбе укучылары өчен Г.Тукай әсәрләре буенча “Без Тукайлы балачактан” рәсем конкурсы оештырылды. Укучылар конкурста бик актив катнаштылар: барлыгы 84 эш кабул ителде. Әлеге гаҗәеп кызыклы, балалык ихласлыгы белән ясалган рәсемнәрдән  күргәзмә оештырылды. Мәктәп  этабында җиңүче эшләр конкурсның район этабына җибәрелде.