2014  елда тәүге тапкыр Мәгариф министрлыгы тарафыннан башлангычһәм урта һөнәри белем бирү уку йортлары арасында 1 студентлар Спартакиадасы  игълан ителде. Спартакиада кысаларында беренче ярыш “Милли көрәш” буенча,  3 – 5 апрель көннәрендә Минзәлә авыл хуҗалыгы техникумы базасында үтте. Төрле спорт ярышларында  җиңү яулаучы Саба аграр көллияте командасы да бу бәйгедән читтә калмады. 6 егетттән торган команда:Мустафин Айнур, Галимуллин Алмаз, Гыйлметдинов Азат, Гараев Рәзил, Камалиев Илназ, Каримуллин Динарлар, тренерлары  Раил Нургалиев җитәкчелегендә  көллият данын яклап чыгыш ясадылар. 3 көн дәвам иткән әлеге киеренке бәйгедә, Минзәлә командасыннан гына калышып, Саба егетләре 2 урын яулады. Җиңүчеләргә диплом, медальләр һәм Аграр көллияткә 100 мең сум күләмендә спорт җиһазларына сертификат тапшырылды.  Спартакиада уеннары  12 апрель көнне Буа шәһәрендә, ветеринар техникум базасында дәвам итәчәк. Биредә йөзү, бадминтон һәм җиңел атлетика буенча ярышлар үтәчәк. Көллият командасына әлеге уеннарда уңышлар, дәвамлы җиңүләр телибез.