Главная » 2012 Март 21 » Котлыйбыз!
19:06 Котлыйбыз! | |
   «Казан» милли мәдәни үзәгендә татарча КВН - ШТК (шаяннар һәм тапкырлар клубы) ярымфиналы үтте. Әлеге уенда 14 команда: Казанның 13 татар мәктәбе һәм безнең районнан Саба гимназиясе катнашты (җитәкчесе Гайфуллина Алия Шамилевна).
Укучылар әлеге чарага нык әзерлек белән тотындылар һәм күмәк эшнең нәтиҗәсе дә уңышлы булды. Сезон барлыгы өч этапка бүленеп, декабрь аенда үткән фестивальда Саба гимназиясе командасы үзләрен беренче тапкыр ШТКчы буларак таныттылар һәм фестивальның иң зур бүләге – Гран-прига лаек булдылар. 18 мартта милли мәдәни үзәктә үткән ярымфиналда уңышлы чыгыш ясап команда финалга үтте. ШТК финал уеннары апрель - май айларында үтәр дип көтелә.
"Без татарча юмор тудыручылар” девизы астында үтүче әлеге уенның финалында да укучыларыбыз сынатмаслар, дип ышанабыз, аларга уңышлар, киләчәктә дә иҗади үсешләр телибез. Афәрин, егетләр – кызлар! | |
|
| |
| Всего комментариев: 0 | |