28 нче апрель көнне Байлар Сабасының спорт комплексында мәгариф хезмәткәрләре арысында волейбол буенча район беренчелеге узды. Биредә зона уеннарында җиңү яулаган 8 команда көч сынашты. Киеренке ярышлардан соң Тимершык урта мәктәбе – 1, Шәмәрдән лицее – 2, Кадет интернат мәктәбе – 3, Икшермә урта мәктәбе – 4 нче урыннарга чыктылар. Җиңүчеләргә грамота һәм акчалата бүләк тапшырылды. Күчмә кубокка Тимершык урта мәктәбе ия булды.