23 январь көнне Олы Кибәче урта гомумбелем бирү мәктәбендә "Математик белем сыйфатын күтәрүдә интерактив технологияләр куллану" дигән темага математика укытучыларының район семинары үтте. Семинар кысаларында математика укытучысы Вильданова Ә.Г. 8 сыйныфта "Квадрат тигезләмә төшенчәсе. Тулы булмаган квадрат тигезләмәләр" дигән темага дәрес уздырды. Укыту эшләре буенча директор урынбасары, математика укытучысы Габделхаева Р.Р. 9 нчы сыйныф укучыларын дәүләт йомгаклау аттестациясенә әзерләү буенча мастер-класс күрсәтте, "Математика укытучысының үз белемен күтәрү өстендә эшчәнлеге" дигән темага чыгыш ясады. Математика укытучысы Ильясова Р.Г. 11 нче сыйныф укучыларын бердәм дәүләт имтиханнарына әзерләү буенча мастер-класс күрсәтте, квалификация күтәрү курсларында алган яңалыклары белән уртаклашты.  Мәгариф идарәсе методисты Давлетшина Г. Ф.  районның гомумбелем бирү учреждениеләрендә математика укытуның торышына анализ ясады, алда торган бурычларга тукталды.