Мәктәпләрдә яңа уку елы башланды. Быелгы уку елында Эзмә урта гомумбелем бирү мәктәбе ишекләрен 229 бала ачып керде. Белем бәйрәменә багышлап, 1нче һәм чыгарылыш сыйныф укучыларыбыз өчен тантаналы линейка үткәрелде. Бәйрәмгә килгән кунаклар укучыларыбызны яңа уку елы белән котлап, матур теләкләрен җиткерделәр. Сыйныфларда беренче дәресләр елның истәлекле вакыйгасы булган ТАССРга 100 ел тулу уңаеннан “Минем Ватаным  Татарстан”, “Казан - хезмәт батырлыгы шәһәре” темалары астында үткәрелде. Укучыларның республикабыз турында булган белемнәре тагын да баетылды.