Агымдагы елның 6 – 8 февраль көннәрендә татар мәктәпләрендә укучы балалар арасында татар теленнән, 8–10 февраль көннәрендә татар әдәбиятыннан республика олимпиадалары үткәрелде. Әлеге олимпиадаларда безнең район укучылары да катнашып матур уңышларга ирештеләр. Олы Шыңар урта мәктәбе укучылары Гарифуллина Гөлназ һәм Билалова Сөмбел (укытучылары Гарипова Нәсимә Бариевна), Түбән Шытсу урта мәктәбе укучысы Якупова Айзирә (укытучысы Мусина Җәүһәрия Хәниповна) җиңү яулап призер булдылар. Укучыларны әлеге җиңүләре белән тәбрик итәбез, киләчәктә дә яңа иҗади уңышлар телибез.