15нче ноябрь көнне Завод-Нырты урта мәктәбендә  “Заманча технологияләр кулланып уку-укыту процессын яңача оештыру” дигән темага туган тел (татар теле) һәм әдәбият укытучыларының  район семинары булып үтте.

 Семинар барышында Завод-Нырты урта мәктәбенең туган тел  укытучылары Хафизова Р.Х. һәм Арикеева Ә.Т. ачык дәресләр һәм мастер-класслар күрсәттеләр. Шулай ук район укытучылары “Әйдә!” проекты авторы һәм “Гыйлем” проектының активисты Булат Шәймиев белән очрашты.

Түгәрәк өстәл барышында каралган чараларга анализ ясалды. Саба районының милли эшләр буенча методисты Гайнуллина Л.Ф. туган тел укытуга кагылышлы яңалыклар белән таныштырды.

Семинар бик файдалы һәм эшлекле узды.