Мәктәп укучылары арасында I Спартакиада дәвам итә. Бүген, 7 декабрь көнне, Байлар Сабасы спорт бинасында программага кертелгән ярышларның чираттагысы -  волейбол булып үтте. Бирегә үз зоналарында 1-2 нче урыннарны алуга ирешкән иң көчле 8 команда җыелды. Командалар составы 6-8 нче сыйныфларда белем алучы 4 егет һәм 2 кыздан гыйбарәт. Уеннар бик матур һәм мавыктыргыч рәвештә барды. Гомуми нәтиҗәләр түбәндәгечә билгеләнде:

1.      Шәмәрдән лицее.

2.      Тимершык урта мәктәбе.

3.      Сәләтле балалар өчен аерым предметлар тирәнтен өйрәнелә торган урта гомуми белем мәктәп-интернаты.

4.      Мичән урта мәктәбе.

Командаларга грамоталар һәм акчалата бүләк тапшырылды. Җиңүчеләрне котлыйбыз!