Агымдагы елның 15нче апрелендә башланып киткән “Сәләтле балачак-өметле киләчәк” балалар конкурс-фестивале бу көннәрдә инде ахырына якынлашып килә.  23нче апрельдә Балалар иҗат үзәгендә “Кул эшләре һәм рәсем сәнгате” һәм “Остаз” номинацияләрендәге эшләр каралды. Жюри, куелган таләпләр нигезендә, иң яхшы дип тапкан эшләргә югары бәя биреп, җиңүчеләрне ачыклады. Конкурс-фестивальнең йомгаклау туры 25 апрельда узачак, бәйгенең җиңүчеләре дә биредә билгеләп үтеләчәк.