14 май көнне “ОЛИМП” стадионында мәктәп укучыларының җиңел атлетика ярышы узды. Ярышта 1-11 нче сыйныф укучылары ерак һәм кыска арага йөгерү, эстафета, озынлыкка сикерү, туп һәм граната ыргыту буенча үзара көч сынаштылар. Гомумкоманда нәтиҗәләре буенча, урта гомумбелем бирү мәктәпләре арасында беренче урында Саба гимназиясе, икенче Сәләтле укучылар мәктәбе, өченче Сатыш урта мәктәбе командалары. Төп мәктәпләр арасында беренче урынны Шекше мәктәбе, икенче Сабабаш мәктәбе, өченче Корсабаш мәктәбе командалары яуладылар.