26нчы апрель – бөек шагыйребез Габдулла Тукай туган көн, шигърият бәйрәме. Бөтен татар җәмәгатчелеге тарафыннан зурлап билгеләп үтелә ул көн. Әлеге уңайдан районыбыз мәктәпләрендә дә төрле чаралар уздырыла. Мәктәп укучылары Тукай иҗатына багышланган төрле бәйгеләрдә көч сынашалар; КВН, викториналарда актив катнашалар; мәктәпләрдә Тукай шигырьләре яңгырый, бөек шагыйребез иҗатына багышланган китап күргәзмәләре эшли.