Габдулла Тукайның тууына 127 ел тулу уңаеннан районда, республикада күп төрле чаралар үткәрелеп килә. Республика күләмендә уздырылучы һәр чарада да районыбыз укучылары зур активлык күрсәтәләр. Арча районы Яңа Кырлай урта мәктәбендә шушы көннәрдә Габдулла Тукай укулары үткәрелде. Әлеге укуларның I туры "Без Тукайлы халык” темасына фәнни-тикшеренү эшләре конкурсы буларак уздырылган иде. Бәйгенең I турында җиңеп, Саба гимназиясе, Шәмәрдән лицее, Иштуган, Завод-Нырты, Сатыш урта мәктәпләреннән 6 укучы III республикакүләм Г.Тукай укуларына чакырылдылар. Әлеге бәйгедә уңышлы катнашып Шәмәрдән лицееннан Исмагилова Алия (укытучысы – Хаева Д.И.) һәм Иштуган урта мәктәбеннән Никитина Аделина (укытучысы – Маркелова Л.Г.) 1 урыннарга, Завод Нырты урта мәктәбеннән Хафизова Фәнзилә (укытучысы – Хафизова Р.Х.) һәм Сатыш урта мәктәбеннән Дәүләтова Альмира (укытучысы Мөхәмәтханова Г.М.) 3 урыннарга лаек булдылар. Саба гимназиясе укучылары Гарипова Илсинә (укытучысы – Закирҗанова Г.Г.) һәм Шәрәфетдинова Диләрә (укытучысы – Галимҗанова С.В.) уңышлы чыгыш ясаган өчен Диплом белән бүләкләнделәр. Укучыларны җиңүләре белән котлыйбыз. Әлеге уңышлар укучыларны һәм аларның укытучыларын яңа җиңүләргә әйдәсен!