22 нче ноябрь көнне Олы Шыңар урта мәктәбендә яшь белгечләр өчен "Физик тәрбия дәресләрендә белем бирүнең нәтиҗәлелеген күтәрү” дигән темага семинар үтте. Семинарда катнашучылар 2 нче сыйныфларда "Формирование навыков техники выполнения акробатических элементов (кувырок вперед, стойка на лопатках)” (укытучысы Хабибуллин А.Н.) 5 нче сыйныфларда "Комбинация из акробатических упражнений”  (Мөбәрәков Р.Г.) һәм 7 нче сыйныфларда  "Акробатические соединения (ритмика)” (Мөхәммәтгалиев И.Ф.) дигән темаларга дәресләр карадылар. Мәктәп каршында эшләп килүче хоккей түгәрәге җитәкчесе Ганиев А.Р. "Ведение шайбы и ее остановка” дигән темага дәрестән тыш чара күрсәтте. Мәктәп директоры Хабибуллин А.Н. "Гимнастика темасы буенча программа материалын өйрәтү үзенчәлекләре” дигән темага чыгыш ясады. Семинарда шулай ук физик тәрбия фәне буенча олимпиаданың район этабын уздыру, өстәмә белем бирү, ярышлар үткәрү буенча сораулар каралды.