“Сәләт-Саба” аланының өченче иртәсе гадәттәгечә башланып китте. Сәлкешләрнең күтәренке кәефе аларны көн дәвамында озата бара. Ачылыш тантанасына әзерлек белән беррәттән, әйдаманнар белән сәлкешләр кичен “Күлмәк бәйрәме” дип исемләнгән чара үткәрделәр. Биредә Бал биюләре башкарылды, тирәнтен бию серләренә төшенделәр.Әйдаманнар белән сәлкешләр көннең сизелмичә дә үтеп китүен йокы вакыты җиткәч кенә аңладылар, “шәмчек”тән соң матур уй- хыялларга бирелеп йокы иленә ишек шакыдылар.