2015нче елның март аенда район мәгариф учреждениеләрендә хокук бозуларны кисәтүче отрядлар арасында республика бәйгесенең район этабы узды. Бәйгенең төп бурычы – мәгариф учреждениеләрендә кисәтү эшен оештыру нәтиҗәлелеген билгеләү. Бәйгедә 18 отряд катнашып, тапшырылган эшләрендә – аналитик белешмә, фотография, презентацияләрдә отрядлар үзләренең төп юнәлешләрен билгеләгәннәр. Бәйге нәтиҗәләре буенча Килдебәк , И.С. Башкиров исемендәге Завод-Нырты урта, К.С. Байкиев исемендәге Кадет-интернат мәктәпләренең эшләре уңышлы дип табылды. Әлеге мәктәп отрядларының эшләре бәйгенең республика этабына җибәреләчәк.
