Главная » 2014 Февраль 7 » Иң яхшы өстәмә белем бирү мөгаллимнәрен ачыклау бәйгесе
21:09 Иң яхшы өстәмә белем бирү мөгаллимнәрен ачыклау бәйгесе | |
   "Иң яхшы өстәмә белем бирү мөгаллиме» район бәйгесенең финал этабы бүген, 7 нче февраль көнне, мастер – класслар күрсәтү тәртибендә үтте. Мөгаллимнәр Тимершык урта мәктәбе базасында мастер – класс үрнәкләре тәкъдим иттеләр. Өстәмә белем бирүдә нәтиҗәле хезмәт куючы педагог-остазларыбыз бишәү иде. Тимершык урта мәктәбе укучылары Сәләтле балалар мәктәбе хореографы Насибуллина Миләүшә Гайфулловнадан рус халык элементларын кертеп марш өйрәнсәләр, Завод-Нырты урта мәктәбенең бадминтон түгәрәге җитәкчесе Зарипова Гөлнара Хамитовна үткәргән мастер-класстан яшь бадминтончы белергә тиешле төп күнекмәләрне үзләштереп чыктылар. Кул эшләре буенча өч мастер-класс тәкъдим ителде. Балалар иҗат үзәгеннән Касымова Эльмира Кеняшевна декупаж, Саба гимназиясеннән Газизова Ләйлә Равилевна глинопластика, Шәмәрдән лицееннан Хуснутдинова Румия Рафитовна табигый тукымалардан курчаклар ясау серләренә төшендерде. | |
|
| |
| Всего комментариев: 0 | |