14 нче февраль көнне Олы Кибәче урта мәктәбе базасында  татар теле һәм әдәбияты укытучыларының район семинар-киңәшмәсе узды. Семинар кысаларында Олы Кибәче урта мәктәбенең татар теле һәм әдәбияты укытучылары  Сафина С.З. һәм Гафиятова Ә.Ф. ачык дәрес һәм мастер-класс күрсәттеләр. Түгәрәк өстәл барышында  мәгариф идарәсенең милли эшләр буенча методисты Гайнуллина Л.Ф. һәм район татар теле укытучыларының метод берләшмә җитәкчесе Сабирова Р.А. чыгышлары тыңланды, фикер алышулар булды. Семинар эшлекле һәм файдалы узды.