13 февраль көнне  Олы Кибәче урта гомумбелем бирү мәктәбенең башлангыч классларында  "Әти, әни һәм мин- спорт гаиләсе"  дип исемләнгән  Гаилә бәйрәме узды. Укучылар арасыннан "Буратино", "Красная шапочка" һәм әти-әниләрдән "Смешарики", "Тынычлык" командалары төрле күңелле эстафеталарда көч сынашты.

12 нче февраль көнне мәктәбебездә өстәмә белем бирү педагогларының "Күпкырлы шәхес формалаштыруда сыйныфтан тыш эшчәнлекнең әһәмияте" район семинары булып үтте. Семинарда  районның "Хореография", "Оста куллар" түгәрәге җитәкчеләре катнашты. Түгәрәк җитәкчеләре Аухадиева Н.А. һәм Марданов А.М. мастер -  класслар үткәрде,  "Хореография" түгәрәгенә йөрүче укучылар көче белән  "Аулак өй"   кичә-тамаша күрсәтелде. Семинар барышында  тәҗрибә уртаклашу, алда торган бурыч -проблемалар хәл ителде.

13 февраль көнне Олы Кибәче урта гомумбелем бирү мәктәбендә район психологик үзәге «Семицветик» психологлары эшләде. Алар 7-9 класс егетләре өчен “Агрессияләрне кисәтү”, шушы ук класс кызлары өчен кызлар гигиенасы буенча тренинг-дәресләр үткәрделәр. 5,6 класс укучылары “Эффектон” программасында диагностика уздылар.