Главная » 2011 » Апрель » 21 » Район татар теле һәм әдәбияты укытучылары семинары
08:59 Район татар теле һәм әдәбияты укытучылары семинары | |
   19 нчы апрель көнне Кызыл - Мишә төп гомуми белем бирү мәктәбендә "Коммуникатив технологияләр аша укучыларда аралашу культурасы тәрбияләү” темасы буенча район татар теле һәм әдәбияты укытучылары семинары узды.
Семинарның беренче көн тәртибе буенча Әхмәтова Рәсимә Галихан кызы 5 нче сыйныфта "Мәктәбем дә, телем дә - Тукай” дигән темага татар теленнән үткәннәрне кабатлау дәресе, Әхмәтҗанова Алсу Әдһәм кызы 9 нчы сыйныфта "Татар драматургиясенең беренче адымнары. Татар театры тарихы” темасына бәйләнешле сөйләм үстерү дәресе үткәрде. Шулай ук "Тукайның иҗаты ул - мәңге сүнмәс иҗат чишмәсе” дигән ток - шоу күрсәтелде. Алдагы көн тәртибе буенча район методик берләшмә җитәкчесе - Юлбат урта мәктәбенең татар теле һәм әдәбияты укытучысы Галимуллина Дания Гайфетдин кызының олимпиада эшләре , 2011 нче елның I кварталында уздырылган квалификацион сынаулар хакында чыгышы тыңланды. Семинар фикер алышулар, алда торган бурычларны барлау, эшләнгән эшләргә нәтиҗәләр ясау белән төгәлләнде. | |
|
| |
| Всего комментариев: 0 | |